സ്കൂൾ ഗ്രൗണ്ടിലൊരു കല്ല്യാണം.

( സ്വന്തം ലേഖകൻ )

നെരവത്ത്:സ്കൂൾ ഗ്രൗണ്ടിൽ കല്ല്യാണ പന്തൽ സാധാരണം.എന്നാൽ കല്ല്യാണ വീട് തന്നെ സ്കൂൾ ഗ്രൗണ്ടിലാക്കിയാലോ?.ഒഴുകൂർ നെരവത്ത് ആലുങ്ങൽ സൈതലവിയുടെ മകൾ റാഷിദയും വിളയിൽ സ്വദേശി ഹബീബ് റഹ്മാനും തമ്മിലുള്ള വിവാഹത്തിനാണ് നെരവത്ത് ജി എം യു പി സ്കൂൾ ഗ്രൗണ്ട് വേദിയായത്.നാട്ടുകാരുമായി വളരെയടുത്ത ബന്ധം പുലർത്തുന്ന സൈതലവി,വീട്ടു പരിസരത്ത് എല്ലാവരേയും ഉൾകൊണ്ടുള്ള വേദി ഒരുക്കാൻ സാധിക്കാത്തതിനാലാണ് ഗ്രൗണ്ടിൽ കല്ല്യാണ സെറ്റിട്ടത്.റോഡ് വക്കും വിശാലമായ പാർക്കിങ്ങും കൂട്ടം കൂടി നിന്നു സംസാരിക്കാനുള്ള ഒഴിഞ്ഞ സ്ഥലവും ഒക്കെയായി ഗ്രൗണ്ടിലെ കല്ല്യാണം കെങ്കേമമായി. കല്യാണത്തിന് പ്രമുഖ രാഷ്ട്രീയ-മത-സാമൂഹ്യ നേതാക്കൾ ഉൾപെടെ സമൂഹത്തിന്റെ നാനാതുറകളിൽ നിന്നുള്ളവർ പങ്കെടുത്തു.രണ്ടയിരത്തോളം ആളുകൾ പങ്കെടുത്ത കല്യാണം നാട്ടുകാർക്ക് വേറിട്ട അനുഭവമായി മാറി.